Ötən ay Azərbaycanda ən çox istifadə edilən sosial şəbəkə "Facebook" olub.
Apa.az bu barədə “StatCounter”a istinadən xəbər verir.
Hesabat dövründə "Facebook"un Azərbaycanın sosial şəbəkə bazarındakı payı 61,11 faiz təşkil edib. Bu isə oktyabr ayı ilə müqayisədə 0,22 faiz çox, ötən ilin eyni dövrü ilə müqayisədə isə 2 faiz azdır.
İstifadəçi sayına görə ikinci yerdə 11,7 faiz payla "Instagram" qərarlaşıb. Sosial şəbəkənin bazar payı bir öncəki ayla müqayisədə 0,78 faiz, ötən ilin eyni dövrü ilə müqayisədə 0,33 faiz çox olub.
Ölkədə üçüncü ən çox istifadə edilən sosial şəbəkə 9,57% payla "Pinterest" olub. Bu, oktyabr ayı ilə müqayisədə 0,58 faiz çox, illik müqayisədə 0,45 faiz azdır.
Ötən ay "X" sosial şəbəkəsinin Azərbaycandakı bazar payı aylıq müqayisədə 0,88 faiz, illik 0,6 faiz artaraq 9,09 faizə çatıb. May ayında "X" istifadəçi sayına görə dördüncü yerdə qərarlaşıb.
Ötən ay "Youtube" sosial şəbəkəsi ölkəmizdəki bazar payını aylıq 1,86 faiz , illik 1,17 faiz azaldaraq 6,19%-lə beşinci yerdə dayanıb.
İstifadəçi sayına görə altıncı yeri isə 1,42% payla "Reddit" sosial şəbəkəsi tutub.
