Dəm qazından zəhərlənərək 14 gün komada qalan azyaşlının həyatı xilas edilib.
Bakuplus.az xəbər verir ki, dekabrın 10-da 12 yaşlı pasiyent (qadın cinsli) kəskin inhalasyon dəm qazı zəhərlənməsi diaqnozu ilə serebral koma (toksiki ensefalopatiya) vəziyyətində Klinik Tibbi Mərkəzə gətirilib.
Xəstəyə mərkəzi tipli hipertermiya diaqnozu qoyulub və stasionar şəraitdə zəruri müalicə prosedurları başladılıb. 14 gün ərzində yüksək qızdırma ilə koma vəziyyətində qalan xəstə müalicələrdən sonra həyata qaytarılıb. Hazırda vəziyyəti qənaətbəxşdir.
Azyaşlı zəruri kontrol müayinələrdən keçirilikdən sonra müalicəsinin davam etdirilməsi üçün uşaq xəstəxanalarından birinə hospitalizasiya edilib.
