Bakıda 3 marşrut xəttinin hərəkət sxemi müvəqqəti olaraq dəyişdirilir. Bu haqda BakuPlus.az Bakı Nəqliyyat Agentliyinə istinadən bu gün, 29 aprel tarixində xəbər verir.
Dəyişikliklər 30 aprel 2022-ci il saat 08:00-dan 1 may 2022-ci il saat 20:00-dək olan müddəti əhatə edəcək.
Azadlıq prospektində aparılacaq təmir işləri ilə əlaqədar sözügedən prospektin Sahib Zeynalov küçəsi ilə kəsişməsindən İzzət Həmidov küçəsi ilə kəsişməyə qədər olan hissəsində nəqliyyat vasitələrinin hərəkəti müvəqqəti olaraq qismən məhdudlaşdırılacaq.
Aparılacaq təmir-tikinti işləri ilə əlaqədar adıçəkilən prospektdə nəqliyyat vasitələrinin hərəkətinə tam məhdudiyyət tətbiq ediləcəyi halda, həmin ərazidə fəaliyyət göstərən 4, 85 və 88 nömrəli müntəzəm marşrutların hərəkət sxemində müvafiq dəyişikliklər olunaraq fəaliyyətləri alternativ küçələrlə təşkil ediləcək.
