3 gün əvvəl binanın girişinə atılan yeni doğulmuş qız uşağının sağlamlığı üçün təhlükə yoxdur. Bu haqda Trend bu gün, 24 noyabr tarixində məlumat verib.
Körpə noyabrın 21-də Nəsimi rayonunda tapılıb. O, səhhətində müəyyən problemlər yarandığından, 2 saylı Uşaq Kliniki Xəstəxanasına yerləşdirilib. Körpə təxminən iki həftəlikdir. Onun vəziyyəti tam yaxşılaşdıqdan sonra yenidən 1 saylı Körpələr Evinə qaytarılacaq.
