Albert Aqarunovun anım mərasimi keçirilib. Bu haqda 25 aprel tarixində APA məlumat verib.
Aprelin 25-də Birinci Qarabağ müharibəsində şəhid olan yəhudi əsilli tank komandiri, Azərbaycanın Milli Qəhrəmanı Albert Aqarunovun doğum günü ilə əlaqədar anım mərasimi keçirilib. İlk öncə Şəhidlər Xiyabanındakı məzarı, sonra isə Bakının Nərimanov rayonunda ucaldılmış abidəsi ziyarət edilib, önünə əklil və gül dəstələri qoyularaq xatirəsi ehtiramla yad olunub. Hərbi orkestrin müşayiəti ilə Azərbaycan Respublikasının Dövlət Himni səsləndirilib.
Mərasimdə şəhidin ailə üzvləri və yaxınları, döyüşçü yoldaşları, eləcə də ictimaiyyət nümayəndələri iştirak ediblər. Mərasimdə çıxış edənlər Albert Aqarunovun şərəfli həyat və döyüş yolundan danışaraq xatirələrini bölüşüblər.
Albert Aqarunov döyüşlər başlayarkən könüllü olaraq cəbhəyə yollanmışdır. 1992-ci ilin may ayının 8-də Şuşanın müdafiəsi uğrunda gedən döyüşlərdə qəhrəmancasına həlak olmuşdur. Ölümündən sonra "Azərbaycanın Milli Qəhrəmanı" adına layiq görülmüşdür. Aqarunov, həmçinin 2014-cü ildə "Vətən Övladı" ordeni, 2016-cı ildə isə "Həzi Aslanov" ordeni ilə təltif olunmuşdur.
[URIS id=41999]
