Bakıda növbəti ailə dramı yaşanıb.
Titul.az xəbər verir ki, 4 il imiş yataq xəstəsi olan Məleykə Osmanova adlı Bakı sakini dünyasını dəyişib.
Məlum olub ki, anasının ölümünə dözməyən oğlu da yarım saat sonra infarkt keçirərək vəfat edib. Əldə edilən məlumata görə, ana yataq xəstəsi olandan oğlu onun qulluğunda dururmuş.
Qeyd edilir ki, Məleykə Osmanova yataq xəstəsi olana qədər müəllimə işləyirmiş. Oğlu Abbas da məhz anasına görə evlənmirmiş. Anasının ölümünə dözə bilməyən oğul meyit evdən çıxana kimi artıq özünü pis hiss edib, həkimlər çağırılsa da, onun həyatını xilas etmək mümkün olmayıb. Ana-bala eyni gündə eyni vaxtda dəfn ediliblər.
