Pakistan Milli Bankı Bakı filialını ləğv etmək istəyir. Bu haqda BakuPlus.az APA-ya istinadən bu gün, 3 iyun tarixində xəbər verir.
Bankın mərkəzi ofisindən bildirilib, Bank Almatı və Düşənbədə yerləşən iki törəmə müəssisəsi ilə yanaşı, Bakı, Bişkek və Aşqabadda yerləşən üç filialın bağlanmasına da qərar verib.
Bundan əlavə, Əfqanıstan və Banqladeşdəki ölkə əməliyyatlarının müvafiq olaraq Kabil və Dəkkədə yerləşən hər ölkə üzrə yalnız bir filial ilə məhdudlaşdırılması qərara alınıb.
Bankın Bakı Filialından isə bildirilib ki, bağlanması ilə əlaqədar hələlik hər hansı bir qərar verilməyib. Bununla belə, hazırda bank əməliyyatları dayandırılıb.
Pakistan Milli Bankının İdarə Heyəti bundan əvvəl 2022-ci il yanvarın 17-də Paris filialının bağlanmasını təsdiqləmişdi.
