Ənənəvi olaraq Dənizkanarı Milli Parkda yerləşəcək Formula 1 əyləncə zonasında musiqili proqram keçiriləcək. Bu barədə Oxu.az Bakı Şəhər Halqasının nümayəndəsi Turab Teymurova istinadən məlumat verib.
Əyləncə zonaları müxtəlifliyə görə üç növə bölünəcək. Onlardan biri uşaqlar üçün əyləncə məkanına çevriləcək. Digər ikisi isə F1 komandaları və Azərbaycan ədəbiyyatını və tarixini təqdim edən zonalardır.
Turab Teymurov bildirib ki, əyləncə zonasında musiqili proqram olacaq: “Bilirsiniz ki, axşam konsertləri ötənilki kimi bu dəfə də olmayacaq. Buna baxmayaraq, hər zövqə uyğun musiqili proqram planlaşdırılıb”.
10-12 iyun tarixlərində keçiriləcək Formula 1 Azərbaycan Qran Prisi mövsümün altıncı yarışı olacaq.
