Bakıda Azərbaycanın milli rəqəmsal media təhlili platformasının - “Metrix.az” layihəsinin təqdimat mərasimi keçirilir. Bu haqda Azərtac-a istinadən bu gün, 29 aprel tarixində xəbər verir.
Medianın İnkişafı Agentliyinin təşkilatçılığı ilə baş tutan tədbirdə çıxış edən agentliyin icraçı direktoru Əhməd İsmayılov platformanın yaradılmasının əhəmiyyətini vurğulayıb.
Medianın İnkişafı Agentliyinin onlayn media və rəqəmsal marketinq üzrə eksperti Fəxri Eminov media təhlili platforması - “Metrix.az” layihəsinə dair təqdimatla çıxış edib.
“Metrix” təhlil platforması 50-dən çox yerli informasiya veb-saytı və keçirilən sorğular vasitəsilə ölkədə ən çox oxunan xəbərləri, günün trendlərini və digər statistik məlumatları özündə birləşdirir.
Tədbir panel müzakirələrlə davam edib.
