Sentyabrda keçiriləcək beynəlxalq konfransa tezis qəbulu davam edir. Bu haqda BakuPlus.az Azərtac-a istinadən bu gün, 27 iyun tarixində xəbər verir.
AMEA-nın akademik Ziya Bünyadov adına Şərqşünaslıq İnstitutu tərəfindən sentyabrın 20-də “Mirzə Kazımbəy - 220” mövzusunda keçiriləcək beynəlxalq elmi konfransa tezis qəbulu aparılır.
İştirak etmək istəyənlər tezisləri Azərbaycan, türk, rus, ingilis, ərəb və fars dillərində iyulun 30-dək mirzakazim220@mail.ru elektron ünvanına göndərməlidirlər.
Tezislərin qəbulu ilə bağlı daha ətraflı məlumat Şərqşünaslıq İnstitutunun saytında yerləşdirilib.
Beynəlxalq elmi konfrans görkəmli şərqşünas və maarifçi, Rusiya Elmlər Akademiyasının ilk azərbaycanlı üzvü və rus şərqşünaslıq elminin banilərindən biri, Britaniya Kral Şərqşünaslar Cəmiyyətinin üzvü, Peterburq Universitetinin Şərq dilləri fakültəsinin ilk dekanı Mirzə Kazımbəyin anadan olmasının 220 illiyi ilə əlaqədar keçiriləcək.
