Bakıda mağaza rəhbəri inzibati məsuliyyətə cəlb edilib. Bu haqda BakuPlus.az Azərbaycan Respublikasının Qida Təhlükəsizliyi Agentliyinə istinadən bu gün, 9 avqust tarixində xəbər verir.
Agentliyin əməkdaşları tərəfindən Bakı şəhəri, Nizami rayonu, A.Manafov küçəsində yerləşən, fiziki şəxs İsrafilov Heydər Bayram oğluna məxsus “İran nemətləri” mağazasında keçirilmiş yoxlama zamanı qida təhlükəsizliyi sahəsində normativ hüquqi aktların tələblərinin kobud şəkildə pozulduğu aşkar edilib.
Mağazada yararlılıq müddəti bitmiş məhsulların satışının həyata keçirildiyi, mal qonşuluğu prinsipinə, həmçinin temperatur rejiminə əməl edilmədiyi müəyyən olunub.
Görülən tədbirlər əsasında istehlaka yararsız məhsullar satışdan çıxarılıb, müəssisə rəhbəri inzibati məsuliyyətə cəlb olunub.
[caption id="attachment_57071" align="alignnone" width="300"]
Foto AQTA-nın rəsmi saytı[/caption]
