Ötən gün Bakıda “Təkrar emal günü”ndə məişət tullantıları arasından tapılan maraqlı əşyaların toplandığı muzeyə tur təşkil olunub. Bu haqda ATV telekanalı reportaj hazırlayıb.
Balaxanıdakı bərk məişət tullantılarının çeşidlənməsi zavodunda yaradılan muzeydə qədim saxsı qablar, kiçik ölçülü xalçalar, kitablar və başqa bir-birindən gözəl əşyalar nümayiş olunub.
Əşyalar arasında tapılan 1982-ci ilə məxsus olan nadir kitab şüşə qab altında saxlanılır.
Burada həmçinin müxtəlif ölkələrin pul vahidlərini də muzey eksponatları arasında görmək mümkündür.
Təmiz Şəhər ASC-nin nəzdində yerləşən zavodda aşkar edilən tullantılardan bəzən hətta sənət əsəri belə yaratmaq mümkün olur.
Zavodda çeşidlənmə prosesi əsasən avtomatlaşdırılıb, lakin kiçik əşyalarda əl əməyindən də istifadə olunur.
[caption id="attachment_14495" align="alignnone" width="800"]
Foto Təmiz Şəhər ASC-nin rəsmi saytı[/caption]
