Bakının 4 rayonunda yanğın təhlükəsizliyi ilə bağlı maarifləndirmə tədbiri keçirilib. Bu barədə 27 iyul tarixində APA məlumat verib.
Təlim aşağıda göstərilən müəssisələrdə keçirilib:
- Nəsimi rayonunda yerləşən Elmi-Tədqiqat Travmotologiya və Ortopediya İnstitutu;
- Nizami rayon 4 saylı Vərəm Əleyhinə Dispanser;
- Sabunçu rayon 5 saylı Uşaq Yoluxucu Xəstəliklər Xəstəxanası;
- Qaradağ rayon 32 saylı Şəhər Poliklinikası.
Burada çıxış edənlər sakinləri və işçiləri yanğın təhlükəsizliyi qaydaları ilə bağlı maarifləndiriblər. Bina və otaqların təmiz saxlanılması, elektrik, havadəyişmə, isitmə, tüstüyə qarşı qurğuların istismarı zamanı yanğın təhlükəsizliyi qaydalarının tələblərinə ciddi əməl olunması barəsində ətraflı məlumat verilib.
İlkin yanğınsöndürmə vasitələrindən istifadə qaydaları əyani surətdə göstərilib.
Tədbir Fövqəladə Hallar Nazirliyinin və Bakı Regional Mərkəzinin əməkdaşları tərəfindən təşkil olunub.
