M.Maqomayev adına Azərbaycan Dövlət Akademik Filarmoniyasının gecə klubuna çevrilməsi ilə əlaqədar Mədəniyyət Nazirliyi tərəfindən açıqlama verilib. Bu haqda 3 iyun tarixində Bakuplus.az Oxu.az-a istinadən xəbər verir.
Nazirlikdən verilən məlumata görə, bir müddət əvvəl fəaliyyəti dayandırılan “UFFO” restoranında lentə alınan görüntülər ictimaiyyətdə geniş əks-səda doğurub.
“Restoranda çəkilmiş videolar bir müddət öncə lentə alınıb və məlum hadisədən sonra müqaviləyə xitam verilərək həmin məkanın fəaliyyəti dayandırılıb, enerji təchizatı kəsilib. Filarmoniyanın rəhbərliyi tərəfindən həmin ərazidə asayişin qorunması məqsədilə hüquq-mühafizə orqanlarına müraciət edilib və bununla bağlı lazımi tədbirlər görülərək ölçü götürülüb. Bildiririk ki, hazırda heç bir fəaliyyətdən söhbət belə gedə bilməz”, - qurumundan bildirilib.
Bir müddət öncə sosial şəbəkələrdə Filarmoniyanın otağından gecə klubu kimi istifadə olunmasına dair videogörüntülər yayılmışdır. Ciddi xəbərdarlığa baxmayaraq, son vaxtlar Filarmoniya binasının yaxınlığında açıq havada yarıçılpaq qızların rəqs etdiyini əks etdirən yeni videolar yayılıb.
