“Zığ” Gəmi Təmiri və Tikintisi Zavoduna dünyada ilk hava yastığı üzərində hərəkət edən yükdaşıyan barj inşa edilib. Bu haqda bu gün, 27 iyun tarixində Bakuplus.az Azərbaycan Xəzər Dəniz Gəmiçiliyinə istinadən xəbər verir.
Türkmənistan şirkəti su nəqliyyatın vasitəsini öncə Şotlandiyanın Qlazqo Gəmiqayırma zavoduna sifariş etmişdir. Ancaq istehsalçının müflis olmağı səbəbindən gəminin inşasına Azərbaycanda davam edilməsinə qərar verilib. Barjın hazırlanmış korpusu iki yerə bölünərək quru yol ilə paytaxta gətirilib.
Gəminin uzunluğu 56, eni isə 24 metrdir. 150 ton yükgötürmə qabiliyyətinə malik barjın maksimal sürəti 6 düyünə (11 km/s) bərabərdir və 6 nəfərdən ibarət heyətlə idarə olunacaq.
Barj Xəzər dənizində “Kaşaqan” yatağında istismar olunacaq.
[caption id="attachment_50074" align="alignnone" width="800"]
Foto Azərbaycan Xəzər Dəniz Gəmiçiliyinin rəsmi saytı[/caption]
