Azərbaycan Daxili İşlər Nazirliyində kadr dəyişikliyi olub. Bu haqda bu gün,13 yanvar tarixində APA məlumat verib.
Daxili işlər naziri general-polkovnik Vilayət Eyvazovun imzaladığı əmrlə Bakı şəhər Baş Polis İdarəsinin rəis müavini general-mayor Sərdar Səfərov tutduğu vəzifədən azad edilib.
Nazirin digər əmri ilə general-mayor Sərdar Səfərov Daxili İşlər Nazirliyinin İctimai Təhlükəsizlik Baş İdarəsinin rəisi təyin edilib.
Daha öncə məlum olub ki, Baş İctimai Təhlükəsizlik İdarəsinin sabiq rəisi, polis general-mayoru Oqtay Kərimov bundan əvvəl tutduğu vəzifədən azad edilərək daxili işlər nazirinin müavini təyin edilib.
