Bakının mərkəzində qanunsuz parkinqin yerində ağac əkilib. Bu haqda 10 iyun tarixində Report məlumat verib.
Bir neçə gün əvvəl sosial şəbəkələrdə Nəsimi rayonu, Bülbül prospekti 18-30 ünvanında ağacların kəsilməsi, parklanma yerinin yaradılması və bunun nəticəsi kimi piyada səkisinin daraldılması barədə məlumatlar yayılmışdı. Ölkə başçısı İlham Əliyevin tapşırığına əsasən araşdırmalar aparılıb və qanunsuz parklanmanın Azərbaycan Respublikası Kinematoqrafçılar İttifaqı tərəfindən yaradıldığı məlum olub.
Buna görə Nəsimi Rayon Bələdiyyəsinin rəhbərliyi vəzifəli şəxs qismində 5000 manat məbləğində cərimələnib. Daha sonra parkinq sökülüb, səki bərpa edilib və bu gün kəsilmiş agacın yerində yenisi əkilib.
