Paytaxtın Nəsimi rayonu, Y.V.Çəmənzəminli və Səməd Vurğun küçələrində nəqliyyatın hərəkəti tənzimlənib. Bu haqda bu gün, 3 fevral tarixində Bakuplus.az Bakı Nəqliyyat Agentliyinə istinadən xəbər verir.
Təkmilləşdirilmə çərçivəsində aşağıdakı işlər görülüb:
- Y.V.Çəmənzəminli və Səməd Vurğun küçələrinin kəsişməsində işıqfor quraşdırılıb;
- S.Vurğun və Ak.H.Əliyev küçələrinin kəsişməsindən birbaşa sola dönmə icazə verilərək nəqliyyat vasitələri Y.V.Çəmənzəminli küçəsinə istiqamətlənib;
- Həmçinin hər iki kəsişmədə və kəsişmələrin yaxınlığında xaotik parklanmaya nəzarət gücləndirilib.
Bakı Nəqliyyat Agentliyi tərəfindən paytaxt ərazisində yol hərəkətinin təkmilləşdirilməsi, nəqliyyat şəraitinin yaxşılaşdırılması istiqamətində işlər davam etdirilir.
[caption id="attachment_32112" align="alignnone" width="800"]
Foto Bakı Nəqliyyat Agentliyinin rəsmi Facebook səhifəsi[/caption]
