Bakıda paytaxt sakinini hədələyərək ondan pul tələb edən 2 uşaq anasına hökm oxunub. Bu haqda BakuPlus.az Qafqazinfo-ya istinadən bu gün, 16 may tarixində xəbər verir.
Ötən ilin iyul ayında Ağ Şəhər bulvarında paytaxt sakini Camal Xəlilov (adlar və soyadlar şərtidir) Goranboy rayon sakini 33 yaşlı Gültən Qəmbərova ilə tanış olub. Bir müddət görüşdükdən sonra Camalın onunla əlaqə saxlamadığını görən qadın kişini hədələyərək pul tələb edib.
Əvvəlcə Camaldan evi üçün sərinkeş almasını istəyən Gültən daha sonra 500 manat tələb edib. Əks təqdirdə o, Camalın intim görüntülərini yayacağını bildirirək onu rüsvay edəcəyini deyib.
Gültənə 300 manat pul verdikdən sonra qadının şantajlarının davam etdiyini görən şəxs sonda onun barəsində polisə şikayət edib.
Yasamal Rayon Məhkəməsinin hökmü ilə 2 uşaq anası olan Gültən Qəmbərovaya 3 il müddətinə azadlıqdan məhrum edilib. Onun cəzası 1 il sınaq müddəti təyin edilməklə şərti hesab edilib.
