Bakının Suraxanı rayonunda baş vermiş yol-nəqliyyat hadisəsi zamanı xəsarət alan şəxsin vəziyyəti stabildir.
Bu məlumat oxu.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) verilib.
"24 noyabr saat 22:10-da 1997-ci il təvəllüdlü şəxs (kişi cinsli) Sabunçu Tibb Mərkəzinə hospitalizasiya olunub.
Döş qəfəsinin, sol əlin və baldırın yumşaq toxumalarının əzilməsi diaqnozu ilə ona zəruri tibbi yardımlar göstərilib. Hazırda Travma-ortopediya şöbəsində müalicəsi davam etdirilir, vəziyyəti stabildir", - deyə məlumatda qeyd olunur.
***
09:53
Bakının Suraxanı rayonunda baş vermiş yol-nəqliyyat hadisəsi zamanı bir nəfər ağır xəsarət alıb.
APA xəbər verir ki, hadisə Zığ şosesində baş verib.
“Daewoo” markalı avtomobili idarə edən sürücü sükana nəzarəti itirərək avtomobilini eyni istiqamətdə hərəkət edən “Mercedes” markalı nəqliyyat vasitəsinə çırpıb.
Zərbənin gücündən “Mercedes” markalı avtomobil yol kənarına aşıb. Qəza nəticəsində “Mercedes”in sürücüsü ağır xəsarət alaraq Sabunçu Tibb Mərkəzinə yerləşdirilib.
