Bakıda mühafizəçi diş həkimi adı ilə pasiyentin 11 dişini çəkib.
Bu barədə azpolitika.info-ya məlumat verən şikayətçi bildirir ki, "Instaqram" sosial şəbəkəsində "Dr. Farid Əşrəfli" adlı bir səhifə ilə qarşılaşıb və bundan sonra klinikaya gedərək Anar Əmiraslanov adlı həkim ilə görüşüb. Bu həkim və klinikanın mühafizəçisi Fərid özlərini diş həkimi kimi təqdim edərək, pasiyenti müayinə ediblər.
İlk müayinədən sonra bir gün ərzində pasiyentin 5 dişi, daha sonra isə 6 dişi çəkilib. Şikayətçi deyir ki, bu dişlər çox çətinliklə çəkilib və sonradan məlum olub ki, həmin dişlər sağlam imiş.
Ümumilikdə, pasiyentin 22 500 manat ödəyərək 11 dişinin çəkilməsi və 15 implantın qoyulması planlaşdırılsa da, müalicələr nəticəsində pasiyentin üst çənəsində sümük qırıqları meydana gəlib.
