Bakı Ağır Cinayətlər Məhkəməsində qayınanasına qəsdən ağır xəsarət yetirməkdə təqsirləndirilən Pərviz Qurbanovun cinayət işi üzrə məhkəmə istintaqı başa çatıb və hökm oxunub.
İttihama görə, hadisə bu il Sabunçu rayonunun Yeni Ramana qəsəbəsində baş verib. Pərviz Qurbanov qayınanası Ağabəyim Səfərova ilə həyat yoldaşı və uşaqlarını ondan ayırmaması ilə bağlı mübahisə edib. Qadının "yaxşı etmişəm" cavabından hiddətlənən Pərviz üzərində olan kustar üsulla hazırlanmış bıçaqla ona iki zərbə endirib.
Nəticədə zərərçəkmişin sol gicgah nahiyəsinə, həmçinin qarın boşluğuna nüfuz edən xəsarətlər yetirilib, qaraciyər və mədəsi yaralanıb. Pərviz Qurbanov Cinayət Məcəlləsinin 126.1-ci maddəsi ilə təqsirli bilinib və məhkəmədə ittihamı tam qəbul edib.
Hakim Vüqar Quliyevin sədrliyi ilə keçirilən prosesdə Pərviz Qurbanova şərti cəza verilib.
mənbə: pravda.az
