Son günlər Bakıda taksi xidmətində qiymətlər enib.
Səbəb kimi bayram günləri ilə əlaqədar Bakıdan bölgələrə axın, həmçinin yollarda tıxacın azalması göstərilir.
Sərnişinlərin sözlərinə görə, taksilərlə bağlı dəyişiklikdən sonra ilk dəfədir ki, qiymətlərdə bu qədər enmə müşahidə edilir.
Sürücülər qiymətin enməsini müştəri azlığı ilə əlaqələndirirlər.
Məsələ ilə bağlı taksi şirkətlərindən bildirilib ki, son günlər COP29 tədbirinin keçirilməsi ilə əlaqədar Bakıdan bölgələrə axın olub, bu isə yollarda tıxacların azalma səbəblərindən biridir, nəticədə taksi xidmətlərinin qiymətləri də müəyyən dərəcədə azalıb.
Qeyd edək ki, tıxacların azalması daha sürətli xidmətin göstərilməsinə də imkan yaradır. Tədbir bitəndən sonra qiymətlərin əvvəlki dinamikasına qayıdacağı proqnozlaşdırılır.
Ətraflı "Xəbər xəzər"in süjetində:
