Bakıda qazi 24 yaşlı qızın şəkillərini əxlaqsız formada paylaşıb.
Bakuplus.az-n əldə etdiyi məlumata görə, hadisənin istintaqı Yasamal Rayon Məhkəməsində keçirilib.
Belə ki, təqsirləndirilən Vəli Quliyev (ad şərtidir) 2002-ci ildə Bakı şəhərində anadan olub. O, İkinci Qarabağ müharibəsinin qazisidir. Belə ki, Vəli 24 yaşlı Sevda Osmanovanın (ad şərtidir) “TikTok” profilinə daxil olaraq onun şəkillərini və videolarını ələ keçirib. Daha sonra “TikTok”da qızın adına səhifə açaraq şəkilləri və videoları orada paylaşıb. Hər paylaşımın da üzərinə əxlaqsız sözlər yazıb. Səhifə qısa zamanda böyük baxış sayı yığıb. Beləliklə, gənc qızın həyatı darmadağın olub: xanımı işdən çıxarıblar, nişanı isə qaytarılıb.
Nəticədə Vəli Quliyev Azərbaycan Respublikası CM-nin 148.1-ci (şərəf və ləyaqətin ləkələnməsi) maddəsi ilə təqsirləndirilib.
Məhkəmə ifadə verən zərərçəkmiş Sevda Osmanova hadisənin təfərrüatlarını danışıb:
“TikTok” sosial şəbəkəsində “ms jabbarova” adlı profildən istifadə edirəm. Qeyd etdiyim profil "public", yəni hər kəsə açıqdır. Həmin profildə özümün şəkil və videolarımı paylaşıram. "jabbarova_14" adlı istifadəçinin mənə məxsus olan profilimdəki paylaşımları bəyəndiyini müşahidə etdim. Həmin profilə girib baxdıqda 3 videomu götürüb paylaşdığını və profilin bioqrafiya hissəsində "səhifəmiz yenidi, takib atıb dəstək olun görüş üçün dm" deyə qeyd etdiyini gördüm. Öz profilimlə həmin şəxsə "fikirləşmirsən ki, səni tapmaq çox sadədir" deyə yazdım. O da qarşılığında "mözölənmə ə" deyə cavab verdi.
Onun kimliyini öyrənmək üçün həmin platformada başqa bir səhifə açıb görüşmək üçün saxta hesaba yazdım. Bir qədər yazışdıqdan sonra həmin şəxs kart hesabına 400 manat göndərməyimi istədi. Kart nömrəsi ilə onun kimliyini müəyyən edib polisə müraciət etdim.
Ondan şikayətçiyəm və cəza verilməsini istəyirəm. Onun mənə qarşı etdiyi əxlaqsız hərəkətlərdən sonra işdən qovuldum. Nişanlımla münasibətlərim pozuldu və biz ayrıldıq”.
Məhkəmənin qərarı ilə Vəli Quliyev 1000 manat cərimə olunub.
Fidan İlqar
