İyulun 31-də Bakının bir sıra ərazilərində təmir-təftiş işləri ilə əlaqədar elektrik enerjisinin verilişində fasilələr yaranacaq.
Bakuplus.az -a "Azərişıq" ASC-dən bildirilib ki, Yasamal rayonunda saat 10:00-dan 13:00-dək İnşaatçılar və Nəriman Nərimanov prospektlərinin bir hissəsində elektrik enerjisinin verilişi məhdudlaşdırılacaq.
Nərimanov rayonunda saat 09:00-dan 13:00-dək Məmməd Araz, Ağasadıq Gəraybəyli, Əbdülvahab Salamzadə, Mirzəbala Məmmədzadə, Əlicabbar Orucəliyev və Tarzən Hacı Məmmədov küçələrinin bəzi hissələrində işıq olmayacaq.
Suraxanı rayonunun Əmircan qəsəbəsində isə saat 10:00-dan 15:00-dək İlqar Məmmədov və Səttar Bəhlulzadə küçələrində elektrik enerjisinin verilişində fasilə yaranacaq.
