Paytaxtın Xətai rayonu, Zığ şosesində yerləşən binanın 94 yaşı var. Tam yararsız hala düşən binanın sakinləri hər gün təhlükə ilə üzləşirlər. Bu haqda reportajı Baku TV 19 sentyabr tarixində yayıb.
Taxta panellərdən (dranka) tikilən binanın istismar müddəti 25 il olsa da, 1928-ci ildə tikilən evdə hələ də insanlar yaşayırlar. Məsələ ilə bağlı onlar müvafiq qurumlara dəfələrə müraciət ediblər. Qurumlar tərəfindən binanın söküləcəyi deyilsə də, hələ bu istiqamətdə bir iş aparılmır.
Xətai Rayon İcra hakimiyyətindən bildiriblər ki, rayon ərazisində kifayət qədər qəzalı binalar var və onlar haqqında aidiyyəti qurumlara məlumat verilib. "Həmin bina ilə bağlı göstərişlər alındıqdan sonra tədbirlər görüləcək", - qurumdan əlavə ediblər.
