Buzovna çimərliyində istirahət edənlər hasarlardan azad edilmiş qayaları zibilliyə çevirirlər. Bu haqda 6 avqust tarixində Caliber.az məlumat verib.
Xəzər rayonu, Buzovna qəsəbəsinin təxminən 20 illik təcriddən sonra boşaldılan çimərliyinin qayalıqlarında və kəndin özündə kortəbii zibilliklər yaranır. Yerli sakinlərin verdiyi məlumata görə, buna səbəb həftə sonları dənizə gələn istirahət edənlərdir. Vətəndaşlar avtomobilin şüşələrindən zibil, qalıqlar, meyvə, plastik torbalar atırlar.
Buzovnanın sakinləri yerli polis şöbəsinə şikayət ərizəsi ilə müraciət edərək, çimərliyə gedənlər barəsində tədbir görülməsini, onları öz arxasınca zibilləri təmizləməyə məcbur etməyini xahiş ediblər.
Şikayət araşdırılsa da, indiyə qədər nə zibilin miqdarında azalma nəzərə çarpıb, nə də kimsə cərimə olunub.
[caption id="attachment_56540" align="alignnone" width="800"]
Foto Caliber.az saytı[/caption]
