Paytaxtın Dövlət Bayrağı Meydanında 4 il ərzində davam edən təmir-bərpa işləri yekunlaşmaq üzrədir. Artıq yeni bayraq dirəyi quraşdırılması üçün paytaxta gətirilib. Bu haqda 7 avqust tarixində Xəzər Xəbər reportaj təqdim edib.
Dünyanın ən hündür bayraqlarından biri olan bayraq dirəyinin yenisi ilə əvəz olunduğu bildirilir. Əvvəlcə Bayraq Meydanındakı sütunun yuxarı hissəsi, daha sonra isə sütun tamamilə sökülərək, ərazidə təmir-bərpa işlərinə başlanılıb. Ümumi sahəsi 60 hektar, yuxarı hissəsi isə 31 min kvadratmetr olan ərazinin infrastrukturu yenilənib.
Məsələ ilə bağlı Dənizkənarı Bulvar İdarəsi yaxın vaxtlarda ictimaiyyətə daha ətraflı açıqlama veriləcəyini bildirib.
