Səbail rayonu ərazisində avtoxuliqanlıq edən sürücü saxlanılıb.
Lent.az xəbər verir ki, "Hyundai" markalı, 49-BG-650 dövlət qeydiyyat nişanlı nəqliyyat vasitəsinin sürücüsü Emil Şərifov yol hərəkəti qaydalarını kobud şəkildə pozaraq avtoxuliqanlıq hərəkətləri etdiyi üçün Səbail rayon Dövlət Yol Polisi Şöbəsinin əməkdaşları tərəfindən saxlanılıb.
Sürücü barəsində toplanmış materiallar baxılması üçün aidiyyəti üzrə Səbail Rayon Məhkəməsinə təqdim olunub. Məhkəmənin qərarına əsasən E.Şərifovun sürücülük hüququ 1 il müddətinə məhdudlaşdırılmaqla cərimə olunub.
Qeyd edək ki, Baş Dövlət Yol Polisi İdarəsi səhər saatlarında daha bir avtoxuliqanın saxlanılması barədə xəbər yaymışdı.
