Dövət Təhlükəsizliyi Xidmətinin əməkdaşları Ermənistan Xüsusi xidmət orqanlarının Azərbaycanda planlaşdırdığı xüsusi əməliyyatı ifşa ediblər. Bu haqda məlumat 12 iyun tarixində Real TV yayıb.
Məlum olub ki, 15 yaşlı Fidan (şərti) adlı qız Azərbaycan ərazisində Ermənistan tərəfinin tapşırıqlarının icraçısı olub.
Fidan internetdə vaxt keçirərkən erməni fəalları ilə təmasda olub. Ermənistan xüsusi xidmət orqanlarının hazırladığı ssenari üzrə hərəkət edən antiazərbaycan, anti-türk qruplaşmasının üzvləri olan erməni revanşist qüvvələri diqqətini buna yönəldib. Fidan ona tapşırılan vəzifələri yerinə yetirərək Qaregin Njdeni təbliğ etməyə başlayır.
Fidan nasist Haytarak qruplaşmasının baş nümayəndəsi Artur Martirosyan və onun tərəfdarlarından tapşırıqlar alıb.
Faktla bağlı istintaq tədbirləri davam etdirilir.
