Xəzər Rayon Məhkəməsində "Vətən-N Mühafizə" MMC-yə yazılan inzibati protokola baxılıb.
Pravda.az-ın xəbərinə görə, hakim Ramilə Xəzrinin sədrliyi ilə keçirilən iclasda qərar elan olunub, şirkət cərimələnib. Buna baxmayaraq, proses davam etdirilir. Növbəti baxış iclası noyabrın 27-də keçiriləcək.
Protokol Dövlət Əmək Müfəttişliyi Xidməti tərəfindən İnzibati Xətalar Məcəlləsinin 192.1-ci maddəsinə əsasən tərtib olunub. Bu maddə əmək müqaviləsi imzalamadan işə götürmə halları ilə bağlı cəriməni nəzərdə tutur.
Bu il iyulun 23-də Binəqədi rayonu ərazisində Xalq artisti Ağadadaş Ağayevlə insidentdə adı hallanan “Medera Hospital”ın mühafizəçisi "Vətən-N Mühafizə" MMC-nin işçisidir.
