Bakıda mənzillərdən 2 milyon manat oğurlayan alpinistlər Cavid Süleymanov və Əhməd Əhmədovun məhkəmə prosesi başa çatıb. Bu haqda bu gün, 20 may tarixində APA məlumat verib.
Hökm Zeynal Ağayev tərəfindən oxunub. Hökmə əsasən, Cavid Süleymanov 9 il, Əhməd Əhmədov isə 8 il müddətinə azadlıqdan məhrum ediliblər.
Qeyd olunan şəxslər bu ilin 20 may tarixində saxlanılıb. Araşdırma zamanı müəyyən edilib ki, Cavid Süleymanov və Əhməd Əhmədov bir müddət paytaxtın Nəsimi, Yasamal, Səbail, Nərimanov və digər rayonlarında çoxmərtəbəli binalarda yerləşən mənzillərdən oğurluq ediblər. Ümumi olaraq zərərçəkənlərə 2 milyon manata yaxın maddi ziyan dəyib.
