Fövqəladə Hallar Nazirliyi “Buta” klinikasının fəaliyyətini qismən dayandırıb. Bu haqda 23 iyun tarixində nazirlik məlumat verib.
Fövqəladə Hallar Nazirliyinin Dövlət Yanğın Nəzarəti Xidməti tərəfindən Nərimanov rayonu, Y.Bakuvi küçəsi, 18 ünvanında yerləşən “Buta” klinikasında aparılmış yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.
Mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.
Aşkar olunmuş pozuntularla bağlı Dövlət Yanğın Nəzarəti Xidməti tərəfindən “Buta” klinikasının cərrahiyyə, təsərrüfat otaqlarında, həmçinin yeməkxanada işlərin və xidmətlərin göstərilməsinin məhdudlaşdırılması barədə Qərar qəbul olunub.
[caption id="attachment_49714" align="alignnone" width="896"] Foto Fövqəladə Hallar Nazirliyinin rəsmi saytı[/caption]
