Akademik Həsən Əliyev küçəsinin Novruzov Qardaşları küçəsi ilə kəsişməsindən Xan Şuşinski küçəsi ilə kəsişməsinə qədər tıxac yarandığından 6, 13, 61 və 83 saylı müntəzəm marşrut xətləri üzrə avtobuslar 18-20 dəqiqə yubanır. Bu haqda məlumatı 18 iyun tarixində Bakı Nəqliyyat Agentliyinin mətbuat xidməti verib.
Ümumilikdə 14-ə yaxın avtobus ərazidə qalıb.
Oxşar vəziyyət bu gün Moskva prospektində - Beynəlxalq Avtovağzalın qarşısından 20 Yanvar dairəsinə qədər və A.Puşkin küçəsi, Muğan bağının qarşısından, Üzeyir Hacıbəyov küçəsi ilə kəsişməyə qədər də müşahidə olunub. Bir sıra marşrut avtobusları tıxacda qalaraq 18-22 dəqiqə gecikmə ilə hərəkət ediblər.
