İyunun 16-da Parisdə təntənəli mükafatlandırma mərasimi zamanı Heydər Əliyev Beynəlxalq Aeroportu MDB ölkələri arasında ən yaxşı hava limanı seçilib.
⠀
Skytrax 2022 World Airport Awards mükafatına əsasən, Azərbaycanın əsas hava qapısı növbəti dəfə “Mərkəzi Asiya və MDB-nin ən yaxşı hava limanı” nüfuzlu mükafatına layiq görülüb. Bu mükafat dünya hava limanı sənayesi üçün keyfiyyət göstəricisi kimi qəbul edilir.
⠀
Həmçinin bu il ilk dəfə olaraq Bakı hava limanı daha bir mühüm nominasiyada – “Mərkəzi Asiya və MDB üzrə ən yaxşı hava limanı heyəti” nominasiyasında qalib olub.
Heydər Əliyev Beynəlxalq Aeroportu ardıcıl beşinci dəfə Mərkəzi Asiya və MDB ölkələrinin ən yaxşı hava limanları reytinqinə başçılıq edir.
