IDEA Heyvanlara Qayğı Mərkəzi və Bakı Zooloji Parkının birgə təşəbbüsü ilə mərkəzin sığınacağından bəzi heyvanlar hər ayın son şənbə günü Bakı Zooparkında sərgilənəcək. Bu haqda bu gün, 24 iyun tarixində Bakuplus.az Zooloji Parkın mətbuat xidmətinə istinadən məlumat verir.
İlk Himayə Guşəsi 25 iyun saat 10:00-dan 18:00-a kimi baş tutacaq.
Bu müddət ərzində qonaqlar sərgilənən it və pişiklərlə vaxt keçirə, ev heyvanına qulluq haqqında təlimat və məsləhətlər ala, ən əsası isə əsl dost qazana bilərlər.
Ev heyvanına sahiblənmək üçün vətədanşlar şəxsiyyət vəsiqəsini təqdim etməli, qısa müsahibədən keçməli və öhdəlik imzalamalıdırlar. 18 yaşdan aşağı olan şəxslər valideynləri ilə gəlməlidirlər. Heyvanları himayəyə götürmək pulsuzdur.
