Paytaxtın Xətai rayonu, Əhmədli qəsəbəsi, Lütfi Zadə, 18 ünvanında yerləşən park baxımsız vəziyyətdədir. Bu haqda bu gün, 9 avqust tarixində Bakuplus.az AzTV-yə istinadən xəbər verir.
Ərazidə qırıq oturacaqlar, küçə boyunca atılmış tullantılar, sökülüb-dağılmış uşaq və futbol meydançalarını müşahidə etmək mümkündür.
“Oynamağa, istirahət etməyə yer yoxdur. Ağaclar quruyur. Heç bir şərait yoxdur”, - deyə sakinlər bildirirlər.
Onların sözlərinə görə, bu kimi problem təkcə bu küçədə deyil, yaxın ərazilərdə də var.
Xətai rayon İcra Hakimiyyətindən məsələ ilə bağlı bildirdilər ki, hazırda sözügedən ərazidə abadlıq işlərinə başlanılıb. Plana uyğun olaraq, həmin parklar noyabr-dekabr aylarında təmir olunacaq.
[URIS id=57080]
