Ədalət Partiyasının sədri İlyas İsmayılov insult keçirib.
Bu barədə teleqraf.com-a sabiq baş prokurorun yaxın qohumu məlumat verib.
"İlyas bəy hazırda Mərkəzi Klinik Xəstəxananın reanimasiya şöbəsində müalicə olunur. Artıq bir aya yaxındır ki, o, xəstəxanadadır. İnsult keçirmişdi, indi nisbətən yaxşılaşır", - deyə o əlavə edib.
Qeyd edək ki, İlyas İsmayılov 1938-ci il martın 20-də Tovuz rayonunda anadan olub. 1985-1990-cı illərdə Respublika prokuroru, 1992-1995-ci illərdə isə ədliyyə naziri kimi fəaliyyət göstərib. Milli Məclisin III və IV çağırış deputatı olub.
O, 2001-ci ildən Ədalət Partiyasına sədrlik edir.
