Çinin Tuanjiecun dəmir yolu stansiyasından Finlandiyaya yola salınan ilk blok qatarı Bakı limanına gəlib. Bu haqda bu gün, 27 may tarixində “Bakı Beynəlxalq Dəniz Ticarət Limanı” QSC-yə istinadən Report məlumat verib.
Bildirilir ki, bu blok qatarından yükün ilk partiyası Ağdam və Naxçıvan gəmiləri ilə Bakı limanına gəlib.
Bu blok qatarı qeyri-qida mallarını, əsasən plastiklər, avtomobil ehtiyat hissələri, işıqlandırma avadanlıqlarını daşıyır. Blok qatarı 54 konteynerdən ibarətdir.
Qeyd olunan daşınma xidmətləri Transxəzər Beynəlxalq Nəqliyyat Marşrutu layihəsi çərçivəsində təşkil olunub. Həmin layihə Çin, Qazaxıstan, Xəzər dənizi, Azərbaycan, Gürcüstan ərazisindən keçərək Türkiyə və Avropa ölkələrinə uzanan beynəlxalq nəqliyyat dəhlizidir.
