Bakıda vətəndaşa qarşı quldurluq etməkdə təqsirləndirilən Məmixan Məmmədov, Sadiq Əzizov və Sultanə Həsrətovanın cinayət işi üzrə məhkəmənin növbəti prosesi keçirilib.
Apa.аz xəbər verir ki, bu gün Bakı Ağır Cinayətlər Məhkəməsində hakimi Rasim Sadıxovun sədrliyi ilə keçirilən prosesdə təqsirləndirilənlərdən biri Sultanə Həsənovanın yenidən prosesdə iştirak etmədiyi bildirilib. Eyni zamanda onun yaşadığı ünvanın da dəyişdiyi qeyd olunub.
Buna görə də, dövlət ittihamçısı Rauf Malışov onun barəsində seçilmiş qətimkan tədbirinin həbs qətimkan tədbiri ilə əvəzlənməsini ilə bağlı vəsatət verib. O əlavə edib ki, təqsirləndirilən şəxs barəsində axtarış verilsin.
Məhkəmə təqsirləndirilən Sultanə Həsrətovanın üç iclasdan çoxdur prosesdə iştirak etmədiyini nəzərə alaraq, onun barəsində axtarış elan olunması və qətimkan tədbirinin dəyişdirilməsinə qərar verib.
Proses fevralın 11-dək təxirə salınıb.
Lent.az isə məlumat yayıb ki, adı çəkilən şəxslər "Instagram"da qız adı ilə kişilərlə tanış olaraq onlara qarşı quldurluq edirmişlər.
