“Kığılı” mağazalar şəbəkəsinin “Elmlər” filialının müdirinin meyitinin anbarda tapılması ilə bağlı açıqlama verilib. Bu haqda bu gün, 3 avqust tarixində Oxu.az məlumat verib.
“Ölən şəxs bizim filial müdiri deyil, yalan məlumatdır”, - deyə şəbəkədən bildirilib.
Belə bir hadisənin həqiqətən də mağazanın yerləşdiyi binada baş verdiyi bildirilib. Lakin bu binada bir neçə mağaza var və hadisənin “Kığılı” ilə heç bir əlaqəsi olmadığı qeyd edilib. Kişinin hansı müəssisədə işlədiyi məlum deyil.
Yenilənib: 14:18
Yasamal rayonunda baş vermiş ölümlə bağlı Baş Prokurorluğun Mətbuat xidmətinin rəhbəri Günay Səlimzadə açıqlama verib. Onun sözlərinə görə, ölən şəxsin Yasamal rayonu, Hüseyn Cavid prospekti, 85 ünvanında yerləşən “Kiğılı” geyim mağazasının əməkdaşı olduğu dəqiqdir.
“Anbar otağında tapılıb, hazırda ölümün səbəbini müəyyən etmək məqsədilə məhkəmə-tibbi ekspertiza təyin edilib. Ekspertizanın nəticəsi isə 20 günə müəyyənləşəcək”, - deyə Səlimzadə vurğulayıb.
