Bakıda kişi hoteldə qadını videoya çəkib, daha sonra şantaj edib. Bu haqda 30 iyun tarixində Bizim.Media məlumat verib.
39 yaşlı Sabir Məmmədov hoteldə mütəmadi olaraq Leyla adlı qadınla cinsi əlaqədə olub. Görüşlərin birində Sabir Leylanı telefona çəkib və bir müddət sonra onu şantaj etməyə başlayıb. O, videogörüntüləri sosial şəbəkələr vasitəsilə yaymamaq, Leylanın ərinə, ailə üzvlərinə və yaxınlarına göndərməmək üçün qadından 600 manat pul alıb.
“Sonuncu dəfə Sabir mənimlə hoteldə cinsi əlaqədə olduğumuz videonu göstərdi, ona pul verməyimi istədi. Əks halda videonu internetə qoyacağını, ərimə göstərib, məni biabır edəcəyini, həmçinin ərimi iş yerində biabır edəcəyini dedi. Mən də ona 600 manat verdim”, - deyə Leyla bildirib.
Zərərçəkmiş qeyd edib ki, daha sonra Sabir ondan hissə-hissə 2400 manat alıb. O bildirib ki, ümumilikdə S.Məmmədova 3000 manat verib.
İstintaq orqanı tərəfindən Sabir barəsində Cinayət Məcəlləsinin 182.1-ci maddəsi ilə ittiham elan edilib. Bu cinayət işinə Xətai rayon Məhkəməsində baxılıb. Məhkəmə Sabirin Leylaya hədə-qorxu gəlməsi barədə ittihamı
sübuta yetirə bilməyib, nəticədə onun barəsində bəraət hökmü çıxarıb.
Sabir Məmmədov əvvəl də Cinayət Məcəlləsinin “Külli miqdarda dələduzluq törətmək” maddəsi ilə təqsirli bilinib və 7 il məhkumluq həyatı yaşayıb.
