Azərbaycanda toyuq ətinin bahalaşması müşahidə olunur. Bu haqda bu gün, 15 aprel tarixində BizimMedia məlumat verir.
Satıcılar bunu çatdırılma şirkətləri tərəfindən müəyyən edilən topdansatış qiymətlərinin artması ilə əlaqələndirirlər.
İqtisadçı-ekspert Xalid Kərimlinin sözlərinə görə, buna səbəb yemin bahalaşması və pərakəndə satış məntəqələri ilə firmalar arasında problemlərdir. O əlavə edib ki, yemin qiymətinin artmasına səbəb isə Ukraynadakı siyasi vəziyyət ilə bağlı müvafiq məhdudiyyətlərin tətbiq edilməsidir.
Öz növbəsində satıcılar iddia edir ki, ötən aylarla müqayisədə toyuq orta hesabla 1-2 manat bahalaşıb. Onlar qeyd edirlər ki, firmalar praktiki olaraq məhsul çatdırmır və ya çox kiçik həcmdə gətirirlər. Nəticədə iaşə müəssisələri quş əti yeməklərinin qiymətini qaldırmağa məcbur olacaqlar.
