“Location” gecə klubunda xəsarət alan bloger Aysel Şükürova müəssisə rəhbərini şikayət edib. Bu haqda bu gün, 2 iyun tarixində Bakuplus.az Azxeber-ə istinadən məlumat verir.
"Bədənimin müxtəlif yerləri partlayışda yanıb, əsas da ayaqlarım. Uzun müddətdir ki, müalicə alıram. Amma klub rəhbəri Elşən mənə nə yanğında itən telefonlarımın pulunu, nə də xəstəxana xərclərimi qarşılamır. Yalandan mənə dedilər 15 gün möhlət ver, axırda açıq şəkildə bəyan etdilər ki, get, hara istəyirsən şikayət et”.
O, tək olmadığını və şikayətçilərin çox olduğunu əlavə edib.
“Location” gecə klubunda 3 aprel tarixində partlayış baş vermişdir. Nəticədə 4 nəfər dünyasını dəyişmiş, 34 nəfər yaralanmışdır.
