Bu həftədən Azərbaycanda növbədənkənar parlament seçkilərində iştirak edəcək namizədlərin dairə seçki komissiyası (DSK) tərəfindən qeydə alınması üçün sənədlərin qəbuluna başlanılacaq. Bu haqda bu gün, 8 iyul tarixində Bakuplus.az “Milli Məclisə növbədənkənar seçkilərin keçirilməsi üzrə əsas hərəkət və tədbirlərin Təqvim Planı”na istinadən məlumat verir.
Sənəddə qeyd olunur ki, proses iyulun 13-də başlayacaq və avqustun 2-si saat 18:00-dək davam edəcək.
Prezident İlham Əliyev iyunun 28-də altıncı çağırış Milli Məclisin buraxılması və ölkə parlamentinə növbədənkənar seçkilərin təyin edilməsi haqqında sərəncam imzalayıb. Sənədə əsasən, altıncı çağırış Milli Məclis buraxılıb, növbədənkənar seçkilər sentyabrın 1-nə təyin edilib.
