Bakıda məhkəmə tikinti şirkətinin rəhbərini cərimələyib, o isə kompensasiya ödəməmiş vəfat edib. Bu haqda bu gün, 25 aprel tarixində Bakuplus.az Space TV-yə istinadən xəbər verir.
Paytaxt sakini Elmira Şirinova bir mənzili bir neçə nəfərə satmaqda ittiham olunmuşdur. O, məhkəmənin qərarı ilə 400 min manat pul mənimsəməkdə günahlandırılıb və qeyd olunan məbləği zərərçəkənlərə ödəməyə məcbur edilib.
Lakin qərar çıxandan sonra təqsirkar dünyasını dəyişib və məhkəmə, borcu onun övladlarının boynuna qoyaraq evlərini müsadirə edib. Bundan əlavə, şikayətçilərin sayı da çoxalıb və borcun məbləği 1 milyon manata çatıb.
Elmira Şirinovanın övladları isə onların evlərinin 2003, 2004-cü illərdə alındığını, sözügedən binanın isə 2013-cü ildə tikildiyini bildirirlər. Bu səbəbdən baş vermiş dələduzluğun onlara heç bir aidiyyəti olmadığını qeyd edirlər.
Vəkil Samir Quliyevin sözlərinə görə, əgər həmin əmlaklar cinayətkarın mənimsədiyi vəsait hesabına alınıbsa, vərəsəlikdən asılı olmayaraq onlar müsadirə oluna bilər.
