“Nənəmin təndiri” adlı ictimai iaşə obyekti barədə inzibati tədbir görülüb. Bu haqda BakuPlus.az bu gün, 5 avqust tarixində xəbər verir.
Yasamal rayonu, Ə.Haqverdiyev küçəsində fəaliyyət göstərən “Nənəmin təndiri” unlu məmulatların istehsalı və satışı müəssisəsində plandankənar yoxlama aparılıb.
Nəticədə qida təhlükəsizliyi sahəsində normativ hüquqi aktların, sanitariya norma və qaydalarının tələblərinin pozulduğu müəyyən edilib.
Müəssisədə sanitar-gigiyenik qaydalarına, texnoloji ardıcıllığa, mal qonşuluğu prinsipinə və temperatur rejminə riayət olunmadığı, havalandırma sisteminin quraşdırılmadığı, işçi heyətin tibbi müayinədən keçmədiyi və xüsusi geyimlə tam təmin edilmədiyi, həmçinin müvafiq təmizlik işlərinin aparılmadığı, eləcə də digər nöqsanlar aşkar olunub.
Aşkarlanmış nöqsanlarla bağlı müəssisə rəhbəri inzibati məsuliyyətə cəlb olunub, müəssisədə toyuq qrilinin hazırlanması ilə bağlı məhdudlaşdırıcı tədbirlər görülüb.
[caption id="attachment_56325" align="alignnone" width="300"]
Foto AQTA-nın rəsmi saytı[/caption]
