Paytaxtın Nəsimi rayonu, Dilarə Əliyeva küçəsi 141 ünvanında tarixi binanın aqibəti məlum deyil. Bu haqda bu gün, 31 mart tarixində Bakuplus.az AzTV-yə istinadən xəbər verir.
15 ailənin yaşadığı 130 yaşlı bina qəzalı vəziyyətdədir. Tikilinin bir hissəsi dağılıb, digər hissəsində isə yaşayış davam edir.
Sakinlərin sözlərinə görə bina 10 il əvvələ qədər saz vəziyyətdə olub. Divarında çat belə olmayıb. 10 il əvvəl, yeni tikilinin inşası başlayandan sonra tikili bu vəziyyətə düşüb.
Sakinlərin bir hissəsi kirayəyə çıxıblar. Digərləri isə təhlükəli binada yaşamağa davam edirlər.
Rəsmi qurumlar məsələ ilə bağlı açıqlama verməyiblər.
[caption id="attachment_38807" align="alignnone" width="800"] Foto AzTV-nin rəsmi Youtube kanalı[/caption]
