Paytaxtın Nəsimi rayonu, Asif Məhərrəmov 64 və 20 yanvar küçəsi 4/66 saylı binaların məhəllələri əsaslı təmir edilib. Bu haqda bu gün, 28 iyun tarixində Bakuplus.az Nəsimi rayon İcra Hakimiyyətinə istinadən məlumat verir.
Evlərin həyətlərində qurumuş və təhlukəli vəziyyətdə olan ağaclar budanıb, suötürücü borular və navalçalar dəyişdirilib. Binanın həyətindəki istinad divarlarının dəmir-beton konstruksiyalarla möhkəmləndirilməsi işləri davam etdirilir.
Hazırda binaların fasadları bərpa olunur və rənglənir. Qapı-pəncərələr yeniləri ilə dəyişdirilir, hər iki binanın dam örtüyü təmir edilir, o cümlədən həyətdə yeni barmaqlıqların, asfalt və tametlərin quraşdırılması, yeni işıqlandırma sisteminin quraşdırılması və müxtəlif uşaq oyun elementlərinin, idman qurğularının və futzal meydançasının yaradılması üzrə işlər aparılır.
[caption id="attachment_50216" align="alignnone" width="896"] Foto Nəsimi Rayon İcra Hakimiyyətinin rəsmi saytı[/caption]
