Bakının Nəsimi rayonu, Mirəli Qaşqay küçəsi, 24 ünvanında abadlıq-quruculuq işləri aparılıb. Bu haqda bu gün, 9 sentyabr tarixində Bakuplus.az Nəsimi Rayon İcra Hakimiyyətinə istinadən məlumat verir.
Həmin ünvandakı binanın həyətində kök üstdə qurumuş və təhlükəli vəziyyətdə olan ağaclar budanaraq ərazidən çıxarılıb.
Binanın damı təmir olunub, yağış sularını axıdan boru və navalçalar dəyişdirilib, qəzalı vəziyyətdə olan bütün eyvanlar sökülərək beton konstruksiya ilə yenidən bərpa olunub, binanın qapı və pəncərələri yeniləri ilə əvəz olunub.
Həmçinin binanın qarşısında, Abbas Zamanov küçəsində təmir işləri aparılıb, yeni piyada səkiləri yaradılıb, bordürlər və tamet daşları vurulub.
Ərazidə yaşıllıq zolaqları yaradılıb, həmişəyaşıl dekorativ ağaçlar əkilib.
[caption id="attachment_69076" align="alignnone" width="1024"]
Foto Nəsimi Rayon İcra Hakimiyyətinin rəsmi saytı[/caption]
